ALIKIBA ATAMBULISHA VIDEO YA PILI

Msanii Alikiba ambaye ni mmiliki wa label ya King'S Music Ent leo Machi 23, 2018 ametambulisha video ya pili kutoka kwenye label hiyo ambayo imefanywa na mdogo wake Abdukiba ambaye ndiyo msanii wa kwanza kutambulishwa kutoka kwenye label hiyo.


Katika video ya wimbo huo wa Abdukiba Jeraha ambao umeongozwa na Director Hanscana lakini pia msanii Alikiba naye ameonyesha uwezo wake katika kuongoza video kwa kushirikiana na director huyo kufanikisha kazi hiyo ya Abdukiba.

Mbali na hilo Alikiba aliwahi kusikika kuwa wapo wasanii wengine chini ya label yake hiyo ila anaendelea kuwapika kwani yeye anatamani kila msanii ambaye atatoka kwenye label yake hiyo ya King's Music Ent basi awe wa kufafana na yeye katika kazi hata mafanikio pia.

Novemba 29, 2017 Alikiba alimtambulisha rasmi na kuachia video ya kwanza ya Abdukiba chini ya usimamizi wake kupitia label yake na kuachia wimbo ambao yeye pia alikuwa ameshirikishwa, wimbo unaitwa 'Single'